Samayatu pApaM, damayatu duHkhaM
haratu vimohaM, sphuTayatu bodham.h .
prathayatu SaktiM mandaM hasitaM
manasija-Saasana-kula sudR^iSo naH .. 1

Ardraa dayayaa pUrNA SaktyA
dR^iShTi-vaSaM vada viShTaparAjA .
akhila-purandhrI-pUjyA nArI
mama niSSeShAM vipadaM haratu .. 2

Suddha-brahmaNi modo daivaM
tatra sisR^ikShati kAmo daivam.h .
sR^ijati padaarthAn.h dR^iShTir daivaM
tAn.h bibhrANo mahimA daivam.h .. 3

vikR^itau vikR^itau prakR^itirdaivaM
viShaye viShaye sattA daivam.h . 
dR^iShTau dR^iShTau pramatirdaivaM
dhyAne dhyAne niShThA daivam.h .. 4

sphUrtau sphUrtau mAyA daivaM
chalane chalane Saktir daivam.h .
tejasi tejasi chakShurdaivaM
Sabde Sabde vANii daivaM .. 5

hR^idaye hR^idaye jIvaddaivaM
SIrShe SIrShe dhyAyaddaivam.h .
chakShuShi chakShuShi rAjaddaivaM
mUle mUle pratapaddaivam.h .. 6

abhito gagane prasaraddaivaM
pR^ithivI loke rohaddaivam.h .
dinakara biMbe dIpyaddaivaM
Sitakara biMbe si~nchaddaivam.h .. 7

SraavaM SraavaM vedyaM daivaM
nAmaM nAmaM rAdhyaddaivam.h .
smAraM smAraM dhAryaM daivaM
vAraM vAraM stutyaM daivam.h .. 8

SR^itiShu vaTUnAM grAhyaM daivaM
gR^ihiNAmagnau tarpyaM daivam.h .
tapatAM SIrShe puShTaM daivaM
yatinAM hR^idaye SiShTaM daivam.h .. 9

namatA puShpaiH pUjyaM daivaM
kavinA padyArAdhyaM daivam.h .
muninA manasA dhyeyaM daivaM
yatinA svAtmani SodhyaM daivam.h .. 10

stuvatAM vAcho vidadhaddaivaM
smaratAM chetaH sphuTayaddaivam.h .
japatAM SaktiM prathayaddaivaM
namatAM duritaM damayaddaivam.h .. 11

vAcho vinayad.h vahnau daivaM
prANAs.h vinayad vidyuti daivam.h .
kAmAnvinayaccandre daivaM
buddhIrvinayat.h sUrye daivam.h .. 12

hR^idaye nivasad.h gR^ihNaddaivaM
vastau nivasadvisR^ijaddaivam.h .
kaNThe nivasad.h pravadaddaivaM
kukShau nivasatprapachaddaivam.h .. 13

dehe nivasadvilachaddaivaM
pa~nchaprANAkAraM daivam.h .
bhAgisamastasyAnne daivaM
svAhAkAre tR^ipyaddaivam.h .. 14

bibhrannArI veShaM daivaM
Subhradarasmita vibhrADdaivam.h .
abhramadApaH chikuraM daivaM
vibhrama vAsasthAnaM daivam.h .. 15

Siita jyotirvadanaM daivaM
ruchibindUpama radanaM daivam.h .
lAvaNyAmR^ita sadanaM daivaM
smararipulochana madanaM daivam.h .. 16

lakShmI vIchimadalikaM daivaM
praj~nAvIchimadIkShaM daivam.h .
tejovIchimadadharam daivaM
sammadavIchimadAsyaM daivam.h .. 17

karuNollolita netraM daivaM
SrIkArAbha SrotraM daivam.h .
kusuma sukomala gAtram daivaM
kavivAgvaibhava pAtraM daivam.h .. 18

himavati Saile vyaktaM daivaM
Sitagiri-Sikhare krIDaddaivam.h .
tumburu nArada gItaM daivaM
sura muni siddha dhyAtaM daivam.h .. 19

kvachidapiratiSata lalitaM daivaM
kvachidapi sutarAM chaNDaM daivam.h .
bhakta manonugaveShaM daivaM
yogi (yukta) manonuga vibhavaM daivam.h .. 20

charite madhuraM svavatAM daivaM
charaNe madhuraM namataM daivam.h .
adhare madhuraM SambhordaivaM
mama tu stanye madhuraM daivaM .. 21

bhuja-bhR^ita viShTapa bhAraM daivaM
pada dhR^ita sampatsAraM daivam.h .
lAlita nirjara vIraM daivaM
rakShita sAttvika dhIraM daivam.h .. 22

cicchaktyAtmakamadhi-tanu daivaM
taTidAkR^ityadhi bhUtaM daivam.h .
SR^itiShu Siveti prathitaM daivaM
jayati jagattraya vinutaM daivam.h .. 23

ramaNa maharSherante vAsi
madhyama puttro narasiMhasya
vASiShTho.ayaM marutAM mAtu-
rgaNapatira~NghriM SaraNamupaiti .. 24

tribhuvana bhartuH paramA SaktiH
sakala savitrI gaurI jayati
tannuti-rekhA gaNapati rachitA
pAdAkulaka-prAntA jayati .. 25