andhatamasaM SaSivibhAmabhidadhAnA
kaantimalamAsya kamalasya vidadhAnA |
andhaka virodhi-dayitaa-smita-lavaSrIr.h-
bhAtu bhuvanasya sakalasya kuSalAya ||  1

bAhi vividhAkR^itimatI dvija-samuuhe 
pAhi gatihInamakhileSvari! kula.n naH |
dEhi bahukAlabhajakAyaparametaM
yAhi naganandini! yaSaH SaSivalaxam.h || 2

vArayati ghoratara pAtaka samUhaM
vardhayati dharmamapi Sarmakaramante |
ki~Nkara-janasya na kimAvahati bhavyaM
Sa~Nkara-purandhri! tava pAda-paricharyA || 3

yasya manujasya hR^idaye.asti sadaye! te
nAkachara sevyamayi pAda-sarasIjam.h |
taM bhajati padmamukhi! padmavana-vAsA
lAbha-bhavane bhavatu nAmarapurodhAH || 4

yadyakhila maunigaNa gIta guNajAlaM
kAlabhayahAri karuNArasa marandam.h |
adritanayA~Nghri-jala janma-hR^idaye syA-
daShTama-gato.api vidadhAtu ravijaH kiM? || 5

lekha lalanaa kachasumaiH kR^ita baliM te
yo bhajati pAdaghR^iNimAlina manaste |
nistarati nUnamayamastamita mohaH
Soka timiraM sakala-lOkagaNa-mAtaH || 6

Sitakara-darpahara vaktrajalajAte
Sitagiri-nandini! tavA~NghrijalajAtam.h |
yaH smarati devi! hR^idi vismarati so.ayaM
viShTapamaSeShamapi kaShTa-tati-muktaH || 7

saktirayi yasya tava pAda-sarasI te
SaktidharamAta ranalAkSha gR^ihanAthe |
pUrNaSaSijaitramukhi! puNyapuruSho.asau
svarNaSikharIva budhaloka SaraNaM syAt.h || 8

vairigaNa nirdalana khaDgavarapANe!
vAsasi padordaSana-vAsasi cha SoNe!	|
netramiSha pAvaka viSeShita lalATe!
pApamakhilaM jahimR^igAdhipati-ghoTe! || 9

vedachaya vedijanavAda viShayasya
pratiyuta lokatati SokaSamanasya |
vetana-vivarjita bhaTo.ayamahama~NghreH
Sitakarapotadhara puNyavanite te || 10

kAryamayi me kimapi kAryapaTu buddheH
pAda sarasIjayugalI parijanasya |
amba! vada jambharipu gIta guNajAle!
Sumbhakula-nASakari! SambhukulayoShe || 11

tvaM yadi SilAvadayi no vadasi kR^ityaM
nAsti tava rAjya paTubuddhiriti satyam.h |
AdiSa yathArha karaNIya kR^iti nityaM
rAj~ni! bhuvanasya charaNAmburuha bhR^ityam.h || 12

pa~nchasu vihAya manasaH kimapi sa~NgaM
puttrajana mitrajana bAndhava vadhUShu |
eSha bhajate janani! pAdajalajaM te
pAlaya nu mu~ncha nu tavopari sa bhAraH || 13

vajradharamukhya surasa~nchaya kirITa
sthApita mahArghamaNi-ra~njita nakhAya |
jIvitamadAyi jagadISvari! madIyaM
pAdajalajAya tava pAlayanumA vA || 14

dehi jagadISvari! na vA madabhilAShaM
pAhi karuNAvati! na vA kulamidaM naH |
SUladharakAmini! surAsura-niShevyaM
pAdakamalaM tavapare na vijahAmi || 15

pAsi kila pAdayugaki~Nkara samUhaM
haMsi kila pApatatimApadi nutA tvam.h |
dantivadana prasu? vadanti matimanto
nAnR^itamidaM bhavatu, nAkijana varNye || 16

Sakramukha devatati-vandita visR^iShTe!
vakraghana keLi! charaNe tava luThantam.h |
Apadi nimagnamimamASritamanAtham.h
nandihayasundari! na pAlayasi kena? || 17

ghoShamayamamba! vidadhAti padalagno
nAvasi purANi kimu nAri badhirAsi? |
vandi surabR^inda nuti bhAShita hR^itaM vA
karNayugalaM tava kapAlikula yoShe! || 18

amba! bhava bimba phalakalpa radachele!
sambarasapatna balakAri bahulIle!  |
prAgamR^itabhAnu mukuTasya madayitrI
taM kuratataH paramurIkR^ita madartham.h || 19

nirmala sudhAkara kalAkalita maste
dharmarata pAlini! dayAvati! namaste
etamavadevi! charaNAmburuha-bandhuM
Sita-dharaNIdhara-sute! gamayanAndhum.h || 20

adrikulapAlaka kuladhavaja patAke!
bhadragajagAmini! daridramayimatyA |
kShudramiva Sochyamima~Nghri jalajAptaM
rudradayite! janani! pAhi na jahIhi || 21

astu tava pAda kamale sthitirajasraM
nA.asti paraduHkhavivaSe hR^idi tu SAntiH |
astu karuNomayamastu matilopaH
kaShTamidamamba! mama bhUri pariSiShTam.h || 22

duHkhasukha bheda-rahitA na matirAsIt.h
sAdhukhala bheda-rahitA na matirAsIt.h |
bhAgyamiti mAnyamathavA mama tadetan.h-
mAtariha sa~Ngha bhajane yadavakASaH || 23

astu mama khedamatirastu mama pakSho
yatnaparatA.astu mama mA.astu cha vimokShaH |
mokShamayi vedmi kulakShTa-tati mokShaM
preShaya sakR^it.h tava maheSvari! kaTAkSham.h || 24

Sakvara-gaNen mukhare.atra gaNanAthe
viShNu yaSasISavadhu! jiShNumukhavandye! |
amba! karuNAM kuru Siva~Nkari! nira~Nka
svaccha kiraNArbhaka vibhUshita lalATe || 25
nmA