vidita mahimaa vishvaadhaanaadaneka vidhaadbhutaat.h
pradhitacaritaH sarvaaloka prataapa-vivardhanaat.h .
prakaTitaguNaH paapadhvaanta prasaara-nirodhanaat.h
pradishatu shivaahaaso bhaasaaM nidhiH kushalaani me .. 1

hR^idi karuNayaa puurNaa baahvorbalena mahiiyasaa
padakamalayorlaxmyaa bhaktairjanairupajiivyayaa .
mukhasita kare laavanNyena trikoNa dR^ishaaMbalam.h
bahuvidadhataa kaaliimaata.avataat padasevinam.h .. 2

jagadadhipayaa siddhaM dogdhryaa.athavota rasaj~nyaa
munijana-nutaM devii-mantraM japedyadi maanavaH .
amR^itajaladiibhuutaH pUtaH viyooga-visheShavit.h
sa iha vasudhaaloke dharaa giraamabhivarShati .. 3

imamabhimukhii bhuutaashaatodarii kamalaalayaa
hayagaja-ghataapuurNaabhyarNaM sametya niShevate .
savibhudamidaM vishvaM tasya prayaati punarvasham.h 
pradhita-yashasaaM siddhiinaaM caapyamuM bhajate.ashtakam.h .. 4

suvimaladhiyastasya krodhaad dR^igambudhuta-dyutii
ripujanavadhuugaaNDaa bhogo bhaveduta paaNduraH .
sapadi bhuvanavyaaptaM chaaptaiH  pramaaNapurassaraM
bhaNitamajaraM bhadraM jyotiH paraM hR^idi bhaasate .. 5

adayamaribhiH kraante raaShtre, tvamiishvari! raxikaa
sumasharamukhairdhUte chitte, tvamiishvari! raxikaa .
prabala duritairgraste vaMshe, tvamiishvari! raxikaa
pyasR^ijati jalaM meghe moghe, tvamiishvari! raxikaa .. 6

bhagavati! nijau saaxaat putrau  bR^ihaspati-paavakau
gajapati guhaavetau veshaantara vyavahaarataH .
bharata dharaNiikhaNDe hetoH kR^itasambhavau
kalakalayute kaalii devi! vyaathaaH kathayadrutam.h .. 7

samayamayi te dhR^itvaa paadaambujaM ramaNaH suto
girivaraguhaasvanthaH shaantonayedyadi naadbhutam .
sthala-virahataH sviiyasthane kimatra samaagato
na vadasi kutaH kaaryaM tasmai kulaacalakanyake! .. 8


paribhaNati cecchiShyavyUhe mahaadbhuta-sangatii 
rjanani! ramaNo yogiishaanastato bahuno phalam.h .
amitatamayaa dR^ishteH shaktyaa kadaa sariNiM naye-
dapatha-patitaM dhaatrii-lokaM tadeva vadaambike .. 9

ahamiha kuto hetorjaato viShaNNatame sthale
caraNa-kamalacchaayaaM maayaadhiraaj~ni! vihaaya, te .
paramakaruNo ghoraH shaapaH kimesha savitri! te
kimapi bhuvivaa kAryaM kartuM niyojitavatyasi .. 10

vrajati vilayaM sneho dUra pravaasa-vashaaditi
pravadati budhaH kashcit satyaM prabhaati tadambike .
bhagavati! nije kuxau jaataM divo dharaNiigataM
smR^itisaraNito duure haahaa! karoShi ruShaa yathaa .. 11

mama tu vimalaa hR^idyaavidyaa maheshvari! yaa.abhava-
nmanasi ca paraa citraa shaktishchirantani! yaa.abhavat.h .
vachasi ca mahadbhaagyaM shlaaghyaM yadiiDyatame.abhavat
tadayi galitaM matto vittatrayaM bhavato bhuvi .. 12

kR^itamayi mayaa paapaM  ghoraM sukarmasu sa~Nginaam.h
yadahamadayovighnaM nR^iiNaaM muhurmuhuraacaram.h .
atikatuphalaM tasyaashnaami shrito naravigraham.h
pramadha nR^ipaterjaye? maaye! jananyava maamimam.h .. 13

na bhavasi dR^ishormarge lookaadhiraajni! kutogiro
na ca bahukR^ipe swapne vaa tvaM prayacchasi darshanam.h .
apanayasi no sandehaM vaa paroxa-kR^ipaa-vashaa-
dapi suranute! lagnaakaaryaantharek mutaadayaa. .. 14

niravadhi shive! mahaatmaM te bhaNanti maharshi yo,
manasi karuNaananyuunaate, yathaa prathitaaH kathaaH .
tadidamakhilaM  mithyaa syaadityasaadhyamudiirituM,
yadasi vimukhii puttre kiM vaa bhavediha kaaraNam.h .. 15

bhuvana bharaNaM naalpaM kaaryaM na devi! tavaxaNo
guru ca bahulaM kR^ityaM tavaasti natanmR^iShaa .
na tava kaThinaM maunaM nindyaM tathaa.api na paarvati 
smara sakR^idimaM diinaM putraM tadeva mamaadhikam.h .. 16

na bhavati sudhaadhaaraa varShaadayaM mudita stanau
madhu-madamuShaaM vaacaaM sargaanna caapyayamuddhataH .
tava padayuge niShThaa-laabhaannatR^ipyati caapyayaM
bhagavati! ciraat.h sandeshaM te sutaH prativiixate .. 17

kimiha bhuvane kartavyaM me kimarthamihaagato.a-
smyavani jagataaM kaM vopaayaM shraye nijashaktaye
kimapi kimapi svaante dhvaante yathaa paridR^ishyate
sphuTamabhayade! vaktuM ki~NchicchramaM tvamuriikuru .. 18

na mama parame muktaavaashaanavaavibhavaaShtake
na cha  gaja-ghaTaa-puurNaayaaM vaa maheShvari! sampadi .
na ca madhumucaaM vaacaaM sarge nirargaLa-vaibhave
muni bhuvi kuto jaataH so.ahaM tadeva samiiryataam.h .. 19

prathamamanaghaM vaa~NChaamyannaM sa daarasutaatithe
bhagavati! tataH paada-dvandve tavaavicalaaM sthitim.h .
atha surajagadvaartaaj~naanaM savitri! tataH param.h
muni bhuvibhave hetuM j~naatuM mR^igaaxi! puradviShaH .. 20

yadi tava kR^ipaa puttre bhakte padaaMbuja-vandini
vratashatakR^ishe shiirShaambhojaamR^itaM tvayi juhvati .
bharatadharaNii sevalole bhavapriyabhaamini!
svayamupadishaamuSmaiyogyaM vidhaanamanaavilam.h .. 21

janani! jagataaM svalpekaame.apyayaM tvayi lambate
purabhidabale madhye kaame.aapyayaM tvayi lambate .
bahulakaruNe shresThe kaame.apyayaM tvayi lambate
bhagavati! pareviite kaame.apyayaM tvayi lambate .. 22

tanubhuvi mayi priityaavaamba! trilokavidhaayike!
padayugarate vaatsalyaadvaa puraari purandhrike! .
svavimala-yasho-gaanaasakte kR^ipavashato.athavaa
paruShamajare! maunaM tyaktvaa sphuTiikuru me gatim.h .. 23

jayatu bharataxoNiikhaNDaM viShaada vivarjitaM
jayatu gaNapastasya xemaM vidhaatu manaamuniH .
jayatu ramaNastasyaacaaryo maharSikulaacalo
jayatu ca, tayormaataa puutaa mahesha vilaasinii .. 24

gaNapatimunereShaa-bhaaShaa hR^idaya~Ngamaa
sukavi suhR^idaH shabdairatyujvalaa hariNiitatiH .
lalitacaturairbhaavairyaantii suruupavanaantaraM
madayatu manaH kaamaaraater nishaanta mR^igiidR^ishaH .. 25