panchama shatama ekonaviMsha stabakaH prapulla kalpapAdapa prasUna sadyashoharam mahArujaM dhunotute mahEshasundarI smitam || 1 munIndramUla vedibhUdhana~njaya prabhodhanam yatIndrahArdapeTika kavATbandhabhedanam || 2 yathA vidhikriyapara dvijAti chittashodhanam mamAmbikAsmitam bhavatvaghapratAparodhanam || 3 suvarNasAlabha~njikA charevashobhayA.adhikA atIvamArdavAnvitA navevapuShpitA latA|| 4 suparvamauliratna bhAvirAjihemapAdukA marAlikAnimastraka prashastaratnanUpurA || 5 valaxa dIdhiti prabhAvisheSha hR^innakhAvalI munIndrashuddhamAnasa prameya pAdasauShTavA || 6 ghanIbhavat taTitprabhA pravAhakalpa ja~NghikA mata~NgajendranAsikA manoj~nasakthishobhinI || 7 prasUnasAyakAgama pravAda chu~nchukA~nchikA vishAla keshachumbitolla sannitambamaNdalA || 8 ajANNapiNDsaMhati prapUrNa kukShishAlinI apAra divyakAnti vArnidhAna nAbhidhIrghikA || 9 bisa prasUnasAyakachChurAbha romarAjikA jagat trayIvasajjanopa jIvyadugdhabhR^itkuchA || 10 maheshakaNThabandhaka prashasta bAhuvallarI samastaviShTapAbhayapradAyi pANipa~NkajA || 11 vilolahAramauktika pratAnasampadat smitA vishuddha sundarasmita prakAshabhasitAmbarA || 12 sukomaloshThakampana prabhItadurjayAsurA suyuktakundakuTmala prakAshadanta pa~NktikA || 13 sharatsudhAMshumaNDala prabhAvigarhaNAnanA sudhAmarandavajjapA sumovamAdharAdharA || 14 tilaprasUnachArutA.apahAsibhAsinAsikA navInavabhAbhanAsikA vilmbidivyamauktikA || 15 vishuddhagaNDabimbita svarUparatnakuNDalA mahAmahasta ra~Ngita prabhAvashAlilochanA || 16 dalAntarastha yAminIprabhu prbhAlikasthalI mayUrabarhagarhaNa prakR^iShTa keshabhAsinI || 17 divAkarAyutojjvalA himAMshulaxa shItalA taTit sahasrabhAsurA, nira~Nka chandrashekharA || 18 nabho.antarAla chAriNI, mahA vichitrakAriNI kulAgnikuNDashAyinI jagatkathAvidhAyinI || 19 nabhastale baleshvarI, dharAtale kriyeshvarI divAkare bibheshvarI sudhAkare raseshvarI || 20 maheshaveshma dIpikA, jagattrayapramApikA asheShashIrShashAsinI samastahR^innivAsinI || 21 guNastave guNastave guNa prakarShadAyinI vichintane vichintane vishiShTa shaktidAyinI || 22 bhramAkulena dustarA, bhavAlasena durgamA amantrakeNa durbharA jagat trayeNa durjayA || 23 suvarNa cheladhAriNI samasta modakAriNI vilAsinI nirAmayA vichintyatAM manastvayA || 24 padAbjavandinaH kaveriyaM pramANikAvalI maheshamAnaseshvarI gR^ihemahAyakalpatAm || 25 -- iti ekonaviMsha stabakaH samAptam --