chaturtha-shatake tR^itiiya-stabakaH 
(pa~nchadasha-stabakaH)


ApadAmapaharantu tatiMnaH
sampadAmapi dishantu samR^iddhim.h |
danta kunda ruchi dattabalAni 
vyomakesha sudR^ishohasitAni ||   1

alpamapyadhika shakti samR^iddhim.h
manda mapyadhika suukShmavisaaram.h |
susmitaM smaravirodhi ramaNyAH 
kalpatAM mamakulasya shubhAya ||   2

puShkarAd.h ravimato bhuvametAM
bhuumitashshashadharaM kramamANA |
naivamu~nchatipadaM batapuurvaM
nottaraM prajatineshapurandrii ||   3

bhuuShaNeshviva savitri! suvarNaM
mR^ittikAmiva ghaTeShvakhileShu |
vishvavastuShu nirastavisheShAM
devi! pashyati satiiMvibudhastvAm.h ||   4

kiTTabhuuta makhileshvarajAye!
dR^ishyajAtamakhilaM nijapAte |
prANa-buddhi-manasA mihavargaH 
sArabhuuta iti suurijanoktiH ||   5

sAramiishvari! tileShviva tailaM
vigraheShu nishileShu nighuuDham.h |
yedhiyA mathanato vidurekaM
te bhavanti vibudhA stvayi liinAH ||   6

AyasaM tribhuvaneshvari! piNDam.h!
vahnineva tapasA tanu piNDam.h |
yasyachijjvalana jAlamayaM syaat.h 
taptamamba! sa ta vAlaya bhuutaH ||   7

yo.araNermathanato.ati pavitram.h
viitihotramiva viitalaka~NkaH |
prANa mujjvalayati svashariirAt.h 
tvAmasAvabhayadeha.atiyaShTum.h ||   8

prANatA shvasitameva vichAryam.h
kurvatA karaNameva nibhAlyam.h |
gachChatA gamanameva vishodhyam.h 
tattanau mathana mAgama bodhyam.h ||   9

yorasaM pibati muurdhasarojAt.h
somapo.ayamanaghaH prayatAtmA |
agnihotramakhileshvari! nityaM
muulakuNDa dahanasthiti rasya ||   10

chinmayii pibasi somamimaM kim.h
soma eva kimasA vasi mAtaH |
piiyase pibasi cha svayamekA 
peyapAtR^iyugalaMkimubhuutvA ||   11

taijasaM kanaka magnivitaptaM 
teja eva kanakA~Ngi! yathAsyaat.h |
modaruupakalayA tavataptaM
tanmayaM bhavati modaja piNDam.h ||   12

kA.api modalaharii tavaviichi 
rnirgatA dashashatArasudhAbdheH |
puurayatyakhilamamba! shariiraM
neha vedmi parame jaDabhAgam ||   13

seyamuttamatamA nipatantii 
shiitalAd.h dashashatAra payodAt.t |
preritA dakhilarAj~ni! bhavatyA
buddhisasyamavatA drasavR^iShtiH ||   14

dugdha sindhu mathanA damR^itaM vA
shabdasindhu mathanAt.h praNavo vA |
labhyate sukR^itibhistavaviichi 
rmuurdhaka~nja mathanAdrasa eShaH ||   15

asthiShu pravahati prativegaM
majjasAramamR^itaM vidadhAnA |
bibhratiimadamanuShNa madoShaM
muurdhaka~njanilaye tavadhArA ||   16

taittiriiyakathito rasalAbhaH
so.ayameva sakalAgamavarNye!
etadeva shashimaNDalanAthe!
tantrabhAShita parAmR^itapAnam.h ||   17

muurdhasomamajarAmara ruupe
yukta viikShaNakareNanipiiDya |
shambhu sundari! sunomidhinomi
tvAM pradiiptakulakuNDa nishAntAm.h ||   18

dR^iShTireva ravidhiidhiti rugrA
shiirSha ka~nja shashinaM pravishantii |
shiitalAmR^itamayiikhalubhuutvA
yoginodravati modakalAte ||   19

muurdhani dravasi yogayutAnAM 
chakShuShi jvalasi sha~NkarabhAme!
tiShThasi sthirapadAkulakuNDe
bAhyataH skhalasi naivakadA.api ||   20

sA yadidravati modakalAsyAt.h
sA yadi jvalati chit.h kalikAsyAt.h |
sA parA sthirapadA yaditiShTha-
tyakSharA bhavati kAchanasatthA ||   21

pashyatA nayana maNDalavR^ittiM
gR^ihyase tvamachalAdhipa kanye!
jAnatA dashashatAra vilAsaM
spR^ishyase viditamamba! rahasyam.h ||   22

vyAptashaktyasubalena lasantii 
bhAnubimba nayanena tapantii |
chandrabimba manasA viharantii 
sA punarjayati muurdhnivasantii ||   23

svAgataM sakalalokanutAyai
svAgataM bhuvanarAja mahiShyai |
svAgataM mayibhR^ishaM sadayAyai
svAgataM dashashatAra mitAyai ||   24

satkavikShitibhujo lalitAbhiH 
svAgatAbhi ranaghAbhi rimAbhiH |
svAgataM bhaNitamastu bhavAnyai
khelanAya shira etaditAyai ||   25


|| iti umAsahasre pa~nchadasha-stabakaH ||