amR^itAMshu biMbasArAd.h-
bhUyo.api vinirgato bhR^ishaM sUkShmaH .
sAro gaurIvadanAd.h-
darahAso haratu dukhajAlaM naH .. 1

kulaku.NDe prANuvantI chetantI hR^idi samasta jantUnAM .
mUrdhani vichintaya.ntI mR^ityu~njaya mahiShi vijayate bhavatI .. 2

tejo jalAnna sAraistrayo.aNavo mUlahR^idayamasteShu
pAkAtte niShpannaastrailokya vyApike.aMba! dehavatAm.h 3

pUrNe sharIrashilpe dvAreNa brahmara.ndhra saMj~nena .
nADI pathena gatvA taijasamaNumAvishasyameya-bale .. 4

aMshenAvishyAdau yAsipunastvaM tatashcha niryAsi .
mArgAbyAM dvAbhyAMtvaM nADyAH pashchAt.h purashcha siddhAbhyAm .. 5

yAtAyAta-vihare mAta sastasmin.h bhavatyupAdhiste
aarabhya mastaka-sthalamAmUlAdhAramasthipa~njarikA .. 6

nR^itanuShu viharantIM tvAM upAdhi vINAkR^iterjaganmAtaH .
sAdR^ishyAt.h kuNDalinIM parokShavAda-priyAH prabhASha.nte .. 7

nabhasaH shIrShdvArA pravaha.ntIM ya iha vigrahe shaktim .
anusandhadhAti nityaM kR^itinastasyetarairalaM yogaiH .. 8

sarveShu vishasi tulyaM, nirgacchasi tulyamamba! bhuvanAnAm.h .
j~nAtA chedasi shakyai na j~nAtA chedbhavasyaha~NkR^ityai .. 9

avataraNaM dhyAtaM chedArohaNamadbhutaM bhavechChakteH .
yasminnidaM sharIraM bhavati mahadvaidyutAgni ya.ntramiva .. 10

ArohaNa-madhyAtR^iShu, hR^idaye aha~NkAra-mAtra-niShpattyai
tadanusharIramidaM syAt.h, sukhAya duHkhAya vA yathAbhogam .. 11

yA vyaktitA janimatAmaha~NkR^itiH sakala bhedadhIbhUmiH .
pR^ithagiva tavAmbike! sA sattaivopAdhi-saMshrayAdbhAntI .. 12

etAmAhuravidyAM, bIjaM saMsAra-vR^iksha-rAjasya .
sarvarasa phalayutasya prArabdha jalena dohadinaH .. 13

vyaktitvArpaka-dehe nimne kulyeva nijamatAM mAtaH
pravahatyanArataM te shaktishchitrANi devi-tanvAnA .. 14

sAramapAmaNubhUtaM hR^idayasthaM sUrayo vidushchittaM .
shreShTaM prANaM kechana pa~nchAnila-mUlabhUtamAhurimami.h .. 15

mana eva chittasaMj~naM vyavahAratAM vibhajanAnabhij~nAnAmi.h!
kaviloka vyavahArastadadhInastattvadhIrbhavatyanyA .. 16

tadanAhatasya vilasaddakShiNato dahara-nAmaka-guhAyAm.h .
chittaM kulakuNDAtte kA.apyanugR^ihNAti devi! rashmikalA .. 17

chittamaNushliShTaM te kalayA~NguShTha pramANamiva bhAsA .
darpaNamamala-brahma pratibiMbAkarShakaM shive! bhavati .. 18

antara mAvartAbhaM pratibiMbamakAyametadIshasya
aMguSTAbhaM prAhurmAnenopAdhi chaitta bhAsate .. 19

dampatyorvAM rUpa pratibimbau chakShuShoH shive! bhavataH .
kulakuNDe hR^idaye chApyarUpayorevakashchidullAsaH .. 20

chittamaNIyovittaM ya idaM mUlye prapa~nchato.apyadhikam
hR^idayaguhAyAM nihitaM, jAnIte sa vijahAti bahirAshAH 21

aprAptAmUrdhAnaM, hR^idayAt samprasthitA dhR^itAnADyA 
tvadruchiruktAbuddhistvayi niShThA bhavati devi\! tanniShThA .. 22

annamayANuM prAptaM, dhItyotishchandramArkamiva tejaH .
paribhAShyate maheshvari! mana iti sa~Nkalpa sambhava-sthAnam .. 23

sa~Nkalpe sa~Nkalpe chicchaktiM manasi visphurantIM tvAm.h .
ya upAste sajanaste, gR^ihNAti maheshavallabhe! charaNam.h .. 24

AdhArachakrashayane, mameha nidrAM vihaya vichalantIM .
gItaya etAH paramAmupatiShThantAM jagadvibhoH kAntAm.h .. 25

iti shrI maharShi ramaNa bhagavatpAdAnte vAsino vAsiShTasya
narasiMhasUnoH gaNapatimuneH kR^itA
umAsahasre chaturtha-stabakaH ..